Paul Quilès,wahoze ari minisitiri kubwa Perezida François Mitterrand, kuri uyu wa Kabiri, itariki 21 Nzeri 2021 yabitswe akiri muzima, binyomozwa n’umwe mu bakobwa be.
Uyu mugabo wahoze ari umuyobozi w’ibikorwa byo kwiyamamaza bya François Mitterrand mu 1981, wabaye minisitiri mu myaka ya 80 na 90, byatangajwe ko yapfuye kubera kwibeshya nk’uko iyi nkuru dukesha RFI ivuga.
Byatangajwe mu ijoro ryo kuri uyu wa Kabiri n’umwe mu bantu bamwegereye, Perezida w’ikitwa ‘conseil départemental du Tarn’ witwa Christophe Ramond.
Ibinyamakuru bitandukanye, birimo AFP, Le Monde na RFI, byahise bitangira gukwirakwiza aya makuru yerekeranye na Paul Quilès, ufite imyaka 79, ubu uri mu bitaro.
Umuryango wa Paul Quilès ariko wahise wihutira kunyomoza ayo makuru, ibinyamakuru nabyo bisaba imbabazi ababikurikira kubw’iryo kosa.
