Icyorezo cya Covid-19 kuri uyu wa 8 Gicurasi 2021 cyishe abantu 4,187 mu Buhinde, kikaba ari igihugu cya kabiri kibonetsemo umubare w’umunini w’abapfuye mu masaha 24 yonyine.
Al Jazeera dukesha iyi nkuru ivuga ko imfu z’abarwayi benshi ba Covid-19 ziri guterwa n’ibura ry’ibikoresho bibafasha guhumeka n’umwuka wa ‘oxygen’ baba bakeneye kongererwa kugira ngo bakomeze kubaho.
Bitewe n’imfu nyinshi, byageze aho igihugu kibura aho kibika imirambo, bikaba biri gutuma itwikirwa ahabonetse hose, nko muri za parikingi z’imodoka.
Inzobere mu by’ubuzima zikomeje gutanga impuruza zivuga ko iki cyorezo kizakomeza gutwara ubuzima bw’abaturage b’u Buhinde mu gihe ubuyobozi bukuru nta ngamba bwaba bufashe zabafasha kucyirinda nko guhagarika ibikorwa byose bibahuriza hamwe; bikaba byatuma bakumira ikwirakwira ryacyo.
Abapfuye ejo hashize bazamuye umubare w’abamaze gupfa muri rusange, ugera ku 238,270. Abamaze kwandura bo ni miliyoni 21.9.
U Buhinde bubaye igihugu cya kabiri kibonetsemo umubare munini w’abishwe na Covid-19 mu munsi umwe, inyuma ya Brazil yabonetsemo 4195 tariki ya 6 Mata 2021. Soma n’iyi nkuru https://bwiza.com/?Brazil-Abarenga-4000-bishwe-na-Covid-19-mu-munsi-umwe
Kurikira ibiganiro n’amavidewo binyura kuri Bwiza TV
