Ubutabera bw’u Burundi kuri uyu wa 4 Gashyantare 2021 bwakatiye abantu 34 bushinja kugerageza guhirika ubutegetsi bwa Pierre Nkurunziza muri Gicurasi 2015 igifungo cya burundu, badahari.
Nk’uko Radio Ijwi rya Amerika ibivuga, bashinjwaga n’ibindi byaha birimo kwica no gusenya ibikorwa bitandukanye mu Burundi.
Usibye iki gihano, aba bose uko ari 34 ngo bagomba gutanga indishyi irimo miliyari 4 z’amafaranga y’u Burundi zizahabwa Radiyo Remba, miliyoni 800 zizarihwa Minisiteri y’Ingabo, miliyoni 360 zizahabwa Minisiteri y’Umutekano, ishyaka CNDD-FDD riri ku butegetsi, rizarihwa miliyoni 180 n’abantu ku giti cyabo bazarihwa miliyoni 80 bose hamwe.
Aba bakatiwe barimo abahoze ari abasirikare bakuru barangajwe imbere na Gen. Maj. Godefroid Niyombare, abari abapolisi bakuru, abanyapolitiki n’abanyamakuru. Bose bahungiye mu bihugu by’amahanga birimo ibihana imbibi n’u Burundi.
Reba urutonde rw’abakatiwe bose muri iyi nkuru https://bwiza.com/?Urutonde-rw-abashakishwa-bashinjwa-kugerageza-guhirika-ubutegetsi-bwa
