Uwahoze ari minisitiri w’imari, Rishi Sunak, ari imbere y’abandi ba conservateurs bahatanira kuba minisitiri w’intebe w’u Bwongereza mu matora ya mbere y’abadepite ba Tory yo ku wa Gatatu, mu gihe abahatanaga bagabanyutse bakagera kuri batandatu nyuma yo gukurwa mu irushanwa kw’abakandida babiri.
Mu cyumweru gishize, Sunak weguye ku mwanya wa minisitiri w’imari, ndetse bikaba intangiriro yo kwegura kwa Minisitiri w’intebe Boris Johnson, yegukanye umwanya wa mbere n’amajwi 88, akurikirwa n’uwahoze ari minisitiri w’ingabo, Penny Mordaunt n’amajwi 67.
Minisitiri w’ububanyi n’amahanga, Liz Truss, yegukanye umwanya wa gatatu, nyuma yo guhabwa amajwi n’abadepite 50 mu badepite 357 b’aba conservateurs batoye nk’uko iyi nkuru dukesha RFI ivuga.
Uwahoze ari umunyamabanga w’ububanyi n’amahanga, Jeremy Hunt, waje ku mwanya wa kabiri ubwo yari ahanganye na Boris Johnson mu matora aheruka mu 2019, na Minisitiri w’imari mushya, Nadhim Zahawi, bakuwe mu bahatana nyuma yo kunanirwa kugera ku majwi asabwa.
