Kuri uyu wa Mbere, itariki 8 Nzeri, u Rwanda na Senegal byashyize umukono ku masezerano y’uufatanye mu bijyanye na serivisi z’ingendo zo mu kirere, agamije gushimangira no koroshya ubwikorezi bwo mu kirere hagati y’ibihugu byombi.
Amasezerano yashyizweho umukono yerekana intambwe ikomeye mu gushimangira umubano, guteza imbere ubufatanye mu bukungu, no kongera amahirwe y’ubucuruzi hagati yu Rwanda na Senegal.
Mu izina rya Guverinoma y’u Rwanda, Minisitiri Jimmy Gasore yashimangiye ko amasezerano hagati y’ibihugu byombi ku bijyanye na serivisi z’ingendo zo mu kirere ari intambwe nshya ikomeye, irushaho gushimangira umubano mwiza usanzweho no guteza imbere ubufatanye hagati y’u Rwanda na Senegal.
Muri uyu muhango, Yankhoba Dième, Minisitiri w’ibikorwa remezo, ubwikorezi bwo ku butaka no mu kirere muri Senegal, na Minisitiri Dr. Jimmy Gasore w’u Rwanda, bahagarariye ibihugu byabo muri uyu muhango.
