U Rwanda rwashyizwe ku mwanya wa kane mu gukurura ishoramari muri Afurika ukurikije urutonde ruheruka gukorwa na Rand Merchant Bank (RMB).
RMB ni banki iyoboye y’amasosiyete n’ishoramari muri Afurika, ikaba imwe mu zigize Firsthand Bank, imwe mu bigo by’imari binini ku mugabane wa Afurika.
Mu rutonde rwayo rwa 2021 rw’ibihugu 10 bya mbere bikurura ishoramari muri Afurika, RMB yashingiye ku bipimo nk’umwuka wo gukoreramo, amanota y’imari na gahunda y’iterambere.
Nk’uko iyi nkuru dukesha The New Times ivuga, u Rwanda rwazamutse cyane ku mwanya wa kane ruvuye ku mwanya wa cyenda rwariho umwaka ushize.
Igihugu cya Misiri cyaje ku mwanya wa mbere, gikurikirwa na Maroc, Afurika y’Epfo, u Rwanda, Botswana, Ghana, Mauritius ibindi bigakurikira.
