Ubuyobozi, abakozi n’abafatanyabikorwa b’uruganda rw’icyayi rwa Mata (Mata Tea Company Ltd) ruherereye mu karere ka Nyaruguru, barishimira ko umusaruro w’icyayi cyumye warwo wavuye kuri toni 2,291.156 mu mwaka wa 2018 ugera kuri 2,575.679 mu 2019, igiciro cy’icyayi cya Mata ku isoko mpuzamahanga kiva ku madolari ($)2.4 kigera kuri 3 $.
Ni muri urwo rwego kuri uyu wa 23 Mutarama 2019, ku cyicaro cy’uru ruganda, habaye ibirori byo kwishimira ko besheje umuhigo. Banafatira hamwe ingamba zo gutera indi ntambwe muri uyu mwaka wa 2020. Bwana Kanyesigye Emmanuel, umuyobozi mukuru w’uru ruganda yagize ati: “ntabwo twongereye ubuso duhingaho, ahubwo twanogeje uburyo (techniques) bwo kwita ku mirima dufite, dufata neza abakozi bacu (motivation), tunongera ubwiza bw’icyayi.” Umuyobozi wungirije w’akarere ka Nyaruguru ushinze Ubukungu n’Iterambere, Bwana Gashema Janvier, yavuze ko mu rwego rwo kongera ubuso icyayi gihingwaho mu karere ka Nyaruguru, hateganyijwe mu kwezi kwa Gashyantare, inama n’abaturage bo muri aka karere bafite ubutaka budahingwa, kugirango barebe uburyo babubyaza umusaruro. Gusoroma icyayi ni umwuga uhemba neza kandi udasaba amashuri menshi Yagize ati: “buri munsi nsarura nibura ibiro (kg) 100 by’icyayi. Ku kwezi mpembwa amafaranga arenga ibihumbi 100,000 RWF, iyo hiyongereye agahimbazamusyi mbona nk’umusoromyi mwiza. Ni umushahara uruta uw’umuntu urangije kaminuza kandi njye ntarize.” Uruganda rw’icyayi rwa Mata rufite imirima y’icyayi iri ku buso busaga gato hegitari (Ha)1,200 harimo hegitari 469 Ha za koperative y’abahinzi . Mu mwaka wa 2019, uruganda rwahembye abakozi barwo amafaranga y’u Rwanda asaga miliyari n’ibihumbi magana atandatu (1,600,000,000 RWF). Amenshi akaba yaragiye ku basoromyi b’icyayi bagera ku 1,200. Ubuyobozi bwarwo buvuga ko bukeneye nibura abasoromyi 3,000. Muri uyu mwaka wa 2020, uruganda rurateganya kuzabona umusaruro w’icyayi cyumye ungana na toni 2,800. Domice Gasarabwe.
Uwimana Cassien wari uhagarariye abasoromyi b’icyayi yavuze ko akazi ko gusarura icyayi kamuteje imbere.
