Tombora yerekana uko amakipe agomba guhura mu matdinda ya UEFA Champions league, yasize amakipe ya Bayern Münich na FC Barcelona yisanze mu itsinda rya gatatu ry’urupfu.
Ni tombora yabereye mu mujyi wa Istanbul muri Turkiya ku mugoroba wo kuri uyu wa Kane.
Aya makipe yombi yari mu itsinda rimwe no mu mwaka ushize w’imikino, ari hamwe na Inter de Milan yo mu Butaliyani na Viktoria Plze?.
FC Barcelona na Bayern Münich bamaze guhura inshuro 13 muri UEFA Champions league, zirimo icyenda Bayern Münich yayitsinze, ebyiri FC Barcelona yatsinze ndetse n’izindi ebyiri amakipe yombi yaguyemo miswi.
Kuba aya makipe yongeye kwisanga hamwe, bisobanuye ko umunya-Pologne Robert Lewandowski bwa mbere azahura ahanganye na Bayern Munich baheruka gutandukana.
Tombora kandi yasize PSG na Juventus zisanze mu tsinda rya nyuma, AC Milan na Chelsea zisanga mu rya gatanu mu gihe Manchester City yisanze mu rya karindwi isangiye n’amakipe ya Sevilla FC na Borussia Dortmund.
Ikipe ya Real Madrid yatwaye UEFA Champions y’umwaka ushize iri mu tsinda rya gatandatu isangiye n’amakipe arimo Leipzig, mu gihe Liverpool bahuriye ku mukino wa nyuma iri mu tsinda rya mbere ririmo amakipe ya Ajax na Napoli.
Uko tombora yose yagenze
