Abakandida babiri b’amashyaka atavuga rumwe n’ubutegetsi bwa Uganda, biyamamarizaga imyanya mu Nteko Ishinga Amategeko, kuri uyu wa 10 Mutarama 2021 byamenyekanye ko bakuyemo akarenge.
Aba ni Michael Musaalo wari umukandida w’ishyaka rya ANT (Alliance for National Transformation) rya Rtd. Maj. Gen. Mugisha Muntu, wiyamamazaga ahagarariye agace ka Mbale na Godfrey Mabonga wari umukandida w’ishyaka rya NUP (National Unity Platform) rya Robert Kyagulanyi (Bobi Wine).
Mabonga we yiyamamazaga ahagarariye agace ka Bungokho.
Daily Monitor dukesha aya makuru ivuga ko aba bakandida bombi bavuye muri aya mashyaka, bajya muri NRM (National Resistance Movement), baba abanyamuryango.
Kwimuka mu ishyaka mu gihe habura iminsi ibiri ngo amatora y’Umukuru w’Igihugu abe, kumvikanye na none ku rubyiruko ruvuga ko rwayobotse NUP, rwasabye Minisitiri w’Intebe, Dr. Ruhakana Rugunda n’Umuyobozi Wungirije wa NRM, Moses Kigongo ko baganira ku buryo barushyira muri iri shyaka riri ku butegetsi.
