Nyuma y’amasaha macye hatangajwe itanga ry’Umwamikazi Elisabeth wa II, Abongereza mu gahinda kenshi bahise batangira guteranira hanze y’ingoro ya Buckingham aho bitwaje indabo n’amatabaza mu rwego rwo kunamira uyu mwamikazi wari uyoboye u Bwongereza imyaka 70.
Imbaga yari mu marira yari hanze y’ingoro ya Buckingham yaririmbye “Mana kiza Umwamikazi” igihe inkuru y’itanga rya Elizabeth II kuri uyu wa Kane, itariki 08 Nzeri 2022 yari imaze kujya hanze.
Amagana n’amagana y’abaturage bahagaraye ku marembo y’ibwami na nyuma y’aho bitangajwe ko abaganga barimo gukurikiranira hafi umwamikazi mu rugo rwe ruri i Balmoral ataratanga.
Abantu bahise batangirira aho icyunamo no mu bindi bice by’igihugu nyuma y’itangazwa ry’itanga rye, bituma havuzwa induru nyinshi bagira bati “oh oya”.
Bamwe bahise batangira gusuka amarira mu gihe ibendera rya Union Jack ku nzu y’umwamikazi i Londres ryururtswaga rikagezwa hagati, mbere y’uko abantu bafata munota wo kwibuka umwamikazi bacecetse.
Umwamikazi wari umaze igihe kinini ayoboye u Bwongereza yari amaze igihe kinini ahura n’ibibazo by’ubuzima kuva mu Kwakira umwaka ushize byatumye agorwa no kugenda no guhagarara.
Dore uko byari byifashe mu mafoto
