Ikigo gishinzwe itumanaho muri Ukraine kiravuga ko mu ijoro ryo ku ya 23 rishyira kuwa 24 Nyakanga, ingabo z’iki gihugu zagabye igitero kuri hotel yo mu Mujyi wa Krasnyi Luch, mu Ntara ya Luhansk, kigahitana abasirikare 100 b’u Burusiya.
Nk’uko amakuru agezweho abivuga, abasirikare 100 b’u Burusiya baguye muri icyo gitero cy’indege. Iki kigo giteganya ko uyu mubare ushobora kwiyongera kubera ibikomere abasirikare b’Abarusiya barokotse batewe.
Kuri uyu wa Mbere ushize, urubuga rwa Ukrainska Pravda rwatangaje ko ibiro by’ubuyobozi bw’Ingabo z’u Burusiya byari muri iyi hotel yo mu mujyi wa Krasnyi Luch.
Nk’uko igisirikare cya Ukraine kibitangaza ngo abasirikare 100 b’Abarusiya ni bo biciwe mu gitero cyo ku Cyumweru mu rukerera.
Kuva mu 2014, Krasnyi Luch ibarizwa mu kiyise Repuulika ya Rubanda Luhansk yiyomoye kuri Ukraine ishyigikiwe n’u Burusiya.
Hagati aho, Ikigo cy’ubushakashatsi ku ntambara (ISW) cyatangaje ko “ibitero bya Ukraine byangije ibiraro bitatu byose bigenzurwa n’Uburusiya bigana mu mujyi wa Kherson mu cyumweru gishize.”
2 Responses
Ukraine irigamba kwica abasirikare 100 b’u Burusiya mu gitero kuri hotel muri Luhansk
Rwose aba bavandimwe bajya no kwitiranwa nk’abana b’inkurikirane, Volodomir na Vladimir bashatse uko bahagarika iri meneka ry’amaraso mu bihugu bahagarariye?????
Ukraine irigamba kwica abasirikare 100 b’u Burusiya mu gitero kuri hotel muri Luhansk
Rwose aba bavandimwe bajya no kwitiranwa nk’abana b’inkurikirane, Volodomir na Vladimir bashatse uko bahagarika iri meneka ry’amaraso mu bihugu bahagarariye?????