Igisirikare cya Ukraine cyatangaje ko cyahanuye indege eshanu z’indwanyi z’u Burusiya na kajugujugu imwe, mu gitondo cy’uyu wa 24 Gashyantare 2022.
Itangazo cyashyize ahabona rigira riti: “Amakuru aturuka ku biro by’ingabo zihuriweho, uyu munsi tariki ya 24 Gashyantare, mu gace kari kuberamo ibikorwa by’igisirikare, indege 5 na kajugujugu by’umushotoranyi byahanuwe.”
Aka gace kari kuberamo ibi bikorwa ni Luhansk kari mu burasirazuba bwa Ukraine, mu Ntara ya Donbas nk’uko ibiro ntaramakuru by’Abongereza, Reuters, byabitangaje.
Ariko n’ingabo z’u Burusiya zatangiye kwinjira muri Ukraine mu rukerera ziturutse muri Belarus, zemeza ko zamaze gusenya ibirindiro by’ingabo zirwanira mu kirere za Ukraine.
