Kuri uyu wa Gatanu, minisitiri w’ububanyi n’amahanga wa Ukraine yatangaje ko uruganda rw’ingufu za kirimbuzi runini mu Burayi rwafashwe n’inkongi y’umuriro nyuma y’igitero cy’u Burusiya, asaba ko hashyirwaho akarere k’umutekano.
Ibiro ntaramakuru RIA bivuga ko Minisiteri ishinzwe ingufu za kirimbuzi muri Ukraine ivuga ko igice cy’uruganda cyahiye bitewe n’igitero cy’ingabo z’u Burusiya.
Minisitiri w’ububanyi n’amahanga Dmytro Kuleba yanditse ku rubuga rwa Twitter ati: “Ingabo z’u Burusiya zirarasa hirya no hino ku ruganda rukora ingufu za kirimbuzi rwa Zaporizhzhia, uruganda runini rw’ingufu za kirimbu mu Burayi.”
“Umuriro wadutse. Niruramuka ruturitse, bizaba bikubye inshuro 10 iturika ry’uruganda rwa Chornobyl! Abarusiya bagomba guhita bahagarika umuriro, bakemerera abashinzwe kuzimya umuriro, gushyiraho akarere k’umutekano!”
