Ku wa Gatatu tariki ya 21 Kanama 2019, abasirikare babiri ba Leta Zunze Ubumwe za Amerika biciwe muri Afughanistani, mu gihe ibiganiro hagati ya Amerika n’Abatalibani biteganijwe kongera kuba muri Qatar.
Mu itangazo ubuyobozi bw’ingabo za Amerika bwashyize hanze, ntabwo bugaragaza imyirondoro y’abo basirikare b’abakomando bishwe ubwo bakozanyagaho n’Abatalibani.
Umuyobozi w’intara ya Almar, Abdul Manan Qateh yagize ati “ Abakomando bacu n’aba Amerika bagabye igitero bakozanyaho kugera saa saba z’ijoro”.
Ikinyamakuru Nytimes gitangaza ko kuva uyu mwaka 2019 watangira ari abasirikare 14 ba Amerika bamaze kuburira ubuzima muri iki gihugu, biyongera kuri 13 bishwe mu 2018 ndetse na 11 muri 2017.
Bitangazwa ko Leta ya Trump n’Abatalibani bamaze igihe baganira ku nzira abasirikare ibihumbi 14 ba Amerika bakura akarenge muri iyo ntambara imaze igihe cy’imyaka 18.
Amarika ifite abasirikare basaga ibihumbi 14 muri Afuganistan, bakaba batoza ab’iki gihugu mu rugamba bamazemo imyaka 18 bahanganye n’inyeshyamba z’Abatalibani. Muri iyi myaka abasirikare ba Amerika 2433 bakaba bamaze kuburira ubuzima muri iyi ntambara.
