Umucamanza mukuru w’urukiko rwa Buganda Road, Gladys Kamasanyu ku wa Gatandatu yakubiswe n’amabandi atazwi ubwo yari ageze imbere y’ishuri rya Green Hills ubu akaba ari mu bitaro bya International Hospital Kampala (IHK) i Namuwongo. Umuvugizi wa Polisi muri Kampala, Luke Owoyesigire, avuga ko Kamasanyu yakubiswe ahagana saa tanu ubwo yari amaze guparika, amabandi agahita amukubita, akamwambura bimwe mu byo yari afite. Afande Owoyesigire ati ” Kamasanyu yaparitse imodoka, yambukiranya umuhanda, abantu batatu bari kuri moto bivugwa ko bari bamukurikiye, bamukubise imigeri aragwa.” Ayo mabandi yibye uyu mucamanza telefone n’ikigapu gusa ngo iperereza ryaratangiye. Umuvugizi w’Ubucamanza, Jamson Karemani, yasobanuye ko Kamasanyu yari agiye gufata amanota y’umwana we ubwo yakubitwaga kandi ngo mu bitaro ameze neza. Kamasanyu mu 2019 nabwo yagabweho igitero n’abashyigikiye Dr Stella Nyanzi mu rukiko bamukubita icupa. Kurikira ibiganiro n’amavidewo binyura kuri Bwiza TV
