Umudepite wo mu ishyaka ry’Abarepubulikani, Lauren Boebert avuga ko azajya mu nteko i Washington DC afite imbunda kuko ngo biri mu burenganzira bwe. Muri videwo Lauren ukomoka muri Colorado yashyize hanze kuwa Kabiri, Depite Lauren yagaragaye ashyira imbunda mu isakoshi ye amaze kuyishyiramo amasasu mbere y’urugendo. Ati ” Nzajya mba mfite imbunda ndi mu Mujyi wa Washington ndetse no mu nteko.” Inkuru ya Washington Post na BBC News ivuga ko Umuyobozi wa Polisi muri Washington DC, Robert Contee III yatangaje ko ashaka kuganira na Depite Lauren Boebert. Ati ” Nta mwihariko muri DC.” Uyu mupolisi avuga ko Lauren agomba kubahiriza amabwiriza cyangwa agahura n’ibihano. Ni ingingo aba bombi batabyumvikanaho.
