Umudepite wo muri RDC yasabye Leta kubwira abaturage ukuri ku biganiro yagiranye na M23 i Kigali

Umudepite mu nteko ishinga amategeko ya Repubulika ya Demukarasi ya Congo (RDC), Lubaya Claudel André, arasaba Leta kubwira abaturage ukuri ku biganiro yagiranye n’umutwe witwaje intwaro wa M23, i Kigali mu mwaka w’2019.

Depite Lubaya mu butumwa yashyize kuri Twitter kuri uyu wa 12 Nyakanga 2022, yatangaje ko uku kuri ari ko kwatuma M23 irekura uduce two muri teritwari ya Rutshuru yafashe.

Yagize ati: “Ku ntambara ibera mu burasirazuba, Kinshasa ikwiye kuva mu kigare n’urujijo, igakoresha umucyo mu kubwura abaturage ukuri ku biganiro byo mu 2019 hagati yayo na M23 i Kigali. Ni bwo buryo bwacu bwo kwigarurira uduce twafashwe na M23.”

Ikinyamakuru Jeune Afrique giherutse gutangaza ko Leta ya RDC yari yaremeye kwakira abahoze ari abarwanyi ba M23 bahungiye mu Rwanda na Uganda, gukuriraho ibihano abo yari yarabifatiye no gushyira mu nzego z’umutekano abujuje ibisabwa.

Soma inkuru kuri ibi biganiro https://bwiza.com/?Ibikubiye-mu-masezerano-y-i-Kigali-M23-yagiranye-na-RDC-mu-2019