Tariki ya 9 Mutarama 2020 ni bwo umugabo witwa Boniface Mutuku Munyao utuye Machakos muri Kenya yafashwe na polisi y’igihugu akurikiranweho gufata ku ngufu imbwa y’ingore (imbwakazi) yarangiza akayica.
Nk’uko ikinyamakuru Bongo 5 kibitangaza, abaturage ngo bumvishe urusaku rw’imbwa yaririraga mu nzu ya Boniface Mutuku, maze bica umuryango maze barinjira. Bageze mu nzu basanga imbwa yapfuye, ku ruhande bahabona udukingirizo twakoreshejwe.
Bitewe n’udukingirizo twinshi abaturage bahasanze, bakeka ngo Boniface Mutuku ashobora kuba yarabigize akamenyero.
Ubusanzwe abantu borora inyamaswa ndetse bakanazikundwakaza, atari uko bagamije kuzaziryamo inyama. Imbwa n’ipusi ziri mu nyamaswa zikunzwe, zikunze kugaragara mu ngo z’abifite, ubwinshi bwazo bukiyongera mu bihugu byateye imbere biri mu burengerazuba bw’isi. Humvikana inkuru ngo bitewe n’ukuntu akunda imbwa cyangwa ipusi, yahisemo ko bashyingiranwa ariko kuyifata ku ngufu no kuyica ntabwo bisanzwe.
