Umuherwe Elon Musk yageze ku masezerano yo kugura Twitter kuri miliyari 44 z’amadorari (miliyari 41 z’amayero) nk’uko byatangajwe n’iyi sosiyete.
Umuyobozi mukuru wa Tesla, ari nawe muntu wa mbere ukize cyane kurusha abandi ku Isi, yatangaje ko ashaka kugura Twitter kuko atekereza ko ubushobozi bwayo budahuye n’ubw’urubuga rwo “kuvugiraho mu bwisanzure”.
Avuga ko rugomba guhinduka ikigo cyigenga kugira ngo rugirirwe icyizere n’abarukoresha kandi rugakora neza kugira ngo rugere ku cyo yita “uburenganzira bwa sosiyete” bwo kuvuga mu bwisanzure.
Twitter yavuze ko izahinduka sosiyete ifitwe n’abikorera nyuma yo kugurishwa nk’uko iyi nkuru dukesha Euronews ikomeza ivuga.
Umuyobozi mukuru wayo Parag Agrawal yagize ati: “Twitter ifite intego n’akamaro bigira ingaruka ku Isi yose”. “Twishimiye cyane amakipe yacu kandi natewe imbaraga n’umurimo utarigeze kuba utari uw’ingenzi”.
Mu kiganiro aheruka kugirana na TED, umuherwe yavuze ko yifuza kubona Twitter ku ruhande rwemera kuvuga mu bwisanzure aho kubuyobora.
Ni izihe mpinduka amasezerano azazana ku bakoresha Twitter?
Yavuze ko “adashaka cyane” gusiba tweets kandi muri rusange azitondera ibihano byo guhagarika abantu bihoraho. Yashimangiye kandi ko Twitter igomba kubahiriza amategeko y’igihugu agenga imvugo ku masoko ku Isi.
Ariko, Musk ubwe akunze kuboroka abakoresha imbuga nkoranyambaga bamunenze cyangwa sosiyete ye kandi yakoresheje urubuga mu gutoteza abanyamakuru banditse inkuru zimwerekeye cyangwa sosiyete ye.
Mu byumweru bishize, yatangaje impinduka nyinshi zasabwe muri iyi sosiyete, uhereye ku kugabanya ibiyikubiyemo, nk’amategeko yahagaritse konti y’uwahoze ari Perezida Donald Trump, kugeza kuri konti mpimbano no kuzambura uburyo bwo kuzibyaza amafaranga.
