Minisitiri w’Intebe wa Repubulika ya Congo, Anatole Collinet Makosso, tariki ya 15 Gicurasi 2021 yatangaje abagize guverinoma ye. Aba barimo umuhungu w’Umukuru w’Igihugu, Perezida Denis Sassou Nguesso.
Makosso atangaje abagize iyi guverinoma nyuma y’ukwezi n’igice ahawe iyi nshingano na Perezida Nguesso, watsinze amatora y’Umukuru w’Igihugu muri Werurwe 2021.
Uyu muhungu wa Perezida Nguesso yitwa Denis Christel Nguesso, akaba yagizwe Minisitiri w’Ububanyi n’Amahanga.
Christel Nguesso yabaye umuyobozi mukuru wungirije w’ikigo cy’igihugu gishinzwe ubucukuzi bwa peteroli kuva mu 2010 kugeza mu 2012, ubwo yatorerwaga kuba umudepite mu nteko ishinga amategeko ya Congo.
Mu 2017 kandi yongeye gutorerwa kuba umudepite, akaba yari akiri mu Nteko ya Congo kugeza ubu.
Kurikira ibiganiro n’amavidewo binyura kuri Bwiza TV
