Umunyamabanga Mukuru w’Umuryango w’Abibumbye, Antonio Guterres, yamaganye igitero cy’indege ingabo za Sudani zagabye ku basivili, kigahitana abagera kuri 22.
Iki gitero cyagabwe mu mujyi wa Omdurman kuri uyu wa 8 Nyakanga 2023 mu gihe ingabo za Leta ya Sudani zari zihanganye n’umutwe wa RSF urwana na zo kuva muri Mata.
Guterres, nk’uko Umuvugizi we wungirije (yitwa Farhan Haq) yabitangaje, yavuze ko iki gitero kitari gikwiye kandi ko ahangayikishijwe n’ububabare abo muri Sudani bakomeje kunyuramo kubera iyi ntambara.
Umukuru wa UN yasabye ingabo za Sudani na RSF guhagarika imirwano, ku neza y’abatuye muri iki gihugu.
