Minisitiri w’ubwikorezi wa Uganda, Gen. Katumba Wamala, yasabye ubuyobozi bwa Uganda Airlines gufatira ibyemezo abakozi b’iyi sosiyete y’ubwikorezi bwo mu kirere y’igihugu bemeye ko umuntu acururiza isenene mu ndege.
Kuri uyu wa Gatandatu nibwo video yakwirakwijwe ku mbuga nkoranyambaga igaragaza umugabo arimo gucuruza isenene mu ndege ya Uganda Airlines yari igiye I Dubai, bituma abantu bibaza ibintu bitandukanye.
Uganda Airlines staff suspended for allowing a nsenene(grasshopers) vendor on board. pic.twitter.com/GydpIN5her
— Sudhir Byaruhanga (@Sudhirntv) November 27, 2021
Ubwo Minisitiri w’ubwikorezi wa Uganda yabazwaga ku makuru yakurikiye avuga ko yaba yahagaritse abayobozi ba Uganda Airlines kubera iki kintu cyagaragaye, yahakanye ayo makuru.
Ati “Ntawo mpagarika abantu mbinyujije mu itangazamakuru. Ndabandikira. Kubw’ibyo ntabwo ari ukuri.”
Nyuma ariko abinyujije kuri twitter, Minisitiri Katumba yagize ati “Ku kijyanye na video iri kuzenguruka ku mbuga nkoranyambaga y’umuntu agurisha isenene mu ndege, nasabye ubuyobozi bwa Airlines gufatira ibyemezo abakozi bari bafite inshingano ubwo ibyo byabaga,”
Greetings,
About the video making rounds on social media of someone vending Nsenene aboard @UG_Airlines, I have spoken to the leadership of the airline to take action against the staff who were in charge when this happened. pic.twitter.com/pNL3H44zok
— General Edward Katumba Wamala (@GenWamala) November 27, 2021
Umuyobozi w’ishyirahamwe ry’abacuruzi bo mu mujyi wa Kampala (KACITA), Thaddeus Musoke yatangaje ko uyu mugabo wafashwe amashusho agurisha isenene mu ndege ya Uganda Airlines yerekezaga i Dubai yitwa Paul Mubiru nk’uko tubikesha Daily Monitor.
Yavuze ko bababajwe n’iki gikorwa kitari icya kinyamwuga cyakozwe nka Mubiru bafashe nk’ikigamije gukoza isoni sosiyete ya Uganda Airlines.
