Ubutabera bwa Tanzania bukurikiranye umunyarwenya Idris Sultan wiyitiriye Perezida John Pombe Magufuli akoresheje ikoranabuhanga.
Nyuma yo gufungwa akaza kurekurwa atanze ingwate, Idris Sultan arasubira imbere ya polisi kuri uyu wa 1 Ugushyingo 2019 kugira yisobanure kuri iki cyaha ashinjwa.
BBC dukesha iyi nkuru ivuga ko Sultan akurikiranweho icyaha kifashishije ikoranabuhanga. Itegeko rivuga ko kwiyitirira umuntu ukoresheje ikoranabuhanga ari icyaha gihanwa n’amategeko .
Ku wa gatatu tariki 30 Ukwakira 2019, wari umunsi w’amavuko wa Perezida Magufuli wujuje imyaka 60. Nk’uko bigaragara ku mafoto yashyize kuri Twitter kuri uwo munsi, Sultan umutwe wa Magufuli awushyira ku gihimba cye, arongera afata umutwe we, awushyira ku gihimba cya Magufuli.
Ubutumwa Sultan yageretse kuri aya mafoto bwagiraga buti: “ Umunsi umwe tugurane akazi maze yizihize isabukuru ye mu mahoro.” Yavugaga Perezida Magufuli.
Hari abafashe ubutumwa bwa Sultan nk’urwenya rusanzwe n’ababonye ko asa n’aho atazi aho agomba kugarukira. Ngo yangije isura y’Umukuru w’Igihugu.
Ngiyi tweet ya Idris Sultan yo ku wa 30 Ukwakira 2019 https://twitter.com/IdrisSultan/status/1189467531628765185
