Umurambo wa ambasaderi w’Ubutaliyani, Luca Attanasio bivugwa ko yishwe na FDLR, wagejejwe i Roma nyuma y’uko yiciwe hafi y’umujyi wa Goma muri DR Congo ku wa mbere. Attanasio na Vittorio Lacovacci, umupolisi w’Umutaliyani wamurindaga, n’umushoferi w’Umunyecongo barishwe ubwo abantu bitwaje intwaro bateraga uruhererekane rw’imodoka za UN. Indege ya gisirikare y’Ubutaliyani yageze ku kibuga cy’indege cya Ciampino i Roma ivuye i Goma izanye amasanduku abiri yambitswe ibendera ry’Ubutaliyani, yakirwa na Minisitiri w’intebe, Mario Draghi nk’uko BBC dukesha aya makuru ibitangaza. Abategetsi muri DR Congo bashinje umutwe urwanya ubutegetsi bw’u Rwanda wa FDLR kuba ko ari wo wakoze ubwo bwicanyi. Wo wahakanye ayo makuru uvuga ko ari igikorwa kigayitse. Kurikira ibiganiro n’amavidewo binyura kuri Bwiza TV
