Umusenateri wo muri Leta Zunze Ubumwe za Amerika, Bill Nelson, avuga ko ukutumvikana kwa politiki kuri mu gihugu cye kumwibutsa U Rwanda mbere ya jenoside.
Aganira na CNN, Senateri Nelson avuga ko ibirimo kubera muri Amerika bisa neza n’ibyabaye mu Rwanda mbere ya Jenoside kuko ngo hari ishyari rishobora kuvamo urwango maze abantu bagahitana abandi.
Ati “Umugore wanjye ni inshuti ya Jeannette Kagame, ibyabaye mu Rwanda byaratwubatse. Iyo ahantu hadutse iby’amoko,umuntu akumva ko ntaho ahuriye n’undi (…), iryo shyari rihindukamo urwango.”
[penci_related_posts taxonomies=”undefined” title=”Izindi nkuru wasoma” background=”” border=”” thumbright=”no” number=”4″ style=”list” align=”none” displayby=”recent_posts” orderby=”random”]
Ibi Sen. Nelson yabivugiye mu rusengero rw’Ababatisita muri Leta ya Florida ku Cyumweru nyuma yaho abantu bitwaje imbunda bishe barashe abantu 11 mu isinagogi ya Pittsburgh.
Uyu musenateri yasabye abatuye Amerika kwibuka ibyabaye mu Rwanda maze bakabihuza n’ibiri kubera mu gihugu cyabo.
Ati” Twabonye ibyabaye mu Rwanda, byavuyemo jenoside. Abasaga miliyoni barishwe mu mezi make. Ngaho namwe nimurebe ibiri kubera hano.”
Senateri , Sen. Bill Nelson ni umudemokarate (Democrate) uhatanira kongera gutorerwa guhagararira Leta ya Florida aho ahanganye n’Umurepubulikani ( Republican) Rick Scott.
Uyu musenateri atangaje aya magambo mu gihe hari iyicwa ry’abantu batandukanye muri Amerika ahanini rishingiye ku ruhu, idini n’ibindi.
