Umugabo umwe wo mu gihugu cy’Ubushinwa yemeye ko afite uruhare mu kwiba amabanga akomeye yerekeye uko igisirikare cya Amerika gikora.
Su Bin w’imyaka 50 azwiho kuba mu ikipe y’abantu bahora biba amakuru yerekeye indege z’intambara, indege zo gutwara imizigo n’imbunda bya Leta zunze ubumwe za Amerika.
Nk’uko bitangazwa na BBC Gahuza, ngo yafashwe akora akazi mu gihugu ca Canada mu mwaka wa 2014 akaba yarashinjwaga kuba afite ishyirahamwe ryo gutwara ibintu mu ndege, ibiro bye bikaba mu gihugu cya Canada.
Ubwo yatabwaga muri yombi,yageragezaga gushaka ubwenegihugu bwa Canada.
Yemeye ko yakoranye n’abantu babiri bavuye mu Bushinwa hagati y’ukwezi kwa cumi muri 2008 n’ukwezi kwa gatatu mu 20014, mu kwiba amabanga ya Amerika, bareba uburyo ishyirahamwe rya Boeing rikoreshwa n’abasirikare ba Amerika mu gukora indege zabo rikora.
Ubu ashobora gupfungwa imyaka itanu agatangishwa n’ihazabu ry’amadollars 250,000.
Kanda hano ujye ubona amakuru yihuse kandi kugihe kuri Facebook no kuri twitter
Nsengiyumva Philipe/Bwiza.com
