Umutoza w’abatarengeje imyaka 20 yahamagaye abakinnyi 30 mu kwitegura umukino u Rwanda ruzakina na Kenya

Sangiza iyi nkuru

Nyuma yo kwemezwa nk’umutoza mukuru w’ikipe y’igihugu Amavubi y’abatarengeje imyaka 20, Mashami Vincent yashyize hanze urutonde rw’abakinnyi 30 batangira imyitozo kuri uyu wa Gatatu mu rwego rwo kwitegura umukino uzabahuza n’ikipe y’igihugu ya Kenya mu kwezi gutaha.
Uyu mukino ni mu rwego rwo guhatanira itike yo kwerekeza mu mikino y’igikombe cya Afurika cy’abatarengeje imyaka 20 kizabera muri Niger 2019.
Ku wa Kabiri tariki ya 20 Werurwe 2018, Umutoza w’ikipe y’igihugu y’abatarengeje imyaka 20 Mashami Vincent, afatanyije n’umutoza uzaba amwungirije, Rwasamanzi Yves, nibwo bashyize hanze uru rutonde.
Umukino wa mbere uzabera muri Kenya kuri sitade Kenyatta, ku i tariki ya 01 Mata 2018, naho umukino wo kwishyura uzabera i Kigali kuri sitade Amahoro ku wa 21Mata 2018, ikipe izatsinda hagati y’u Rwanda na Kenya izacakirana na Zambia iheruka kwegukana iki gikombe umwaka ushize ubwo cyaberaga i Lusaka ihigitse ikipe y’igihugu ya Senegal 2-0.
U Rwanda ruheruka kwitabira imikino ya nyuma y’abatarengeje imyaka 20 mu 2009 ubwo cyaberaga i Kigali maze cyegukanwa n’ikipe y’igihugu ya Mali.
Abakinnyi 30 bahamagawe mukwitegura umukino na Kenya :
Abazamu