Mikel Arteta utoza ikipe ya Arsenal, yasabye imbabazi abafana b’iyi kipe nyuma yo gutsindwa na Brighton 3-0, ariko akomeza kubaha icyizere ko amahirwe yo gutwara igikombe agihari. Avuze ibi nyuma y’uko Arsenal isigaje imikino ibiri gusa, naho Manchester City biryana isataburenge ikaba isigaje imikino 3 mbere y’uko Shampiyona igera ku musozo.
Ni nyuma y’uko kandi Manchester City yatsinze Everton 3-0 bikaza kuyongerera amahirwe yo gutwara igikombe cya Shampiyona y’ubwongereza ubugira gatatu yikurikiranya.Kugeza ubu Arsenal irushwa amanota ane na Manchester City,ikaba inasigaje imikino 3 harimo ikirarane cy’umukino umwe , mu gihe iyi Kipe itozwa na Arteta yo isigaje imikino ibiri gusa.
Arteta atangaza ko gutwara igikombe bishoboka, Nyamara biragoye cyane kuko Manchester City irabura gutsinda umukino umwe gusa igatwara igikombe.Gusa iramutse itsinzwe imikino yose isigaje hanyuma Arsenal igatsinda imikino yose nayo isigaje yatwara igikombe n’ubwo bikomeye ariko mu mupira birashoboka.
Shampiyona y’u Bwongereza igeza ku munsi wa 36 wa , Manchester City ni iya mbere n’amanota 85, ikurikiwe na Arsenal ifite 81, naho Newcastle na Manchester United zinganya amanota 66, mu gihe Liverpool iri ku mwanya wa gatanu n’amanota 62.
Mu mikino itatu Manchester City isigaranye harimo uwa Chelsea ari nawo mu mikino abantu benshi biteze, hakiyongeraho Brighton & Hove Albion na Brentford.
