Kuri uyu wa Mbere ushize, Umuyobozi wa Chechenia, Ramzan Kadyrov, yatangaje ko ashyigikiye Palesitine anasaba ko yakohereza abasirikare be gukemura amakimbirane hagati ya Israel n’umutwe w’abarwanyi ba Hamas.
Kadyrov mu butumwa yanyuije ku muyoboro wa telegram yagize ati: “Ndabwira abayobozi b’ibihugu by’abayisilamu, gushyiraho ihuriro o kugera kuri abo mwita inshuti, u Burayi ndetse n’Uburengerazuba bwose, kugira ngo badatera ibisasu abaturage batuje bitwaje kurimbura abarwanyi ba Hamas.”
Ati: “Dushyigikiye Palesitine. Kandi twamaganye iyi ntambara, itandukanye n’andi makimbirane ashobora kuvamo ikintu kinini kurushaho, “Yakomeje agira ati:” Nibiba ngombwa, imitwe yacu yiteguye gukora nk’ingabo zishinzwe kubungabunga amahoro kugira ngo igarure umutekano kandi irwanye abateza ibibazo. ”
Kuri uyu wa Kabiri, abajijwe ku muyobozi wa Chechenia, umuvugizi wa Kremlin, Dmitry Peskov, yabwiye abanyamakuru ko u Burusiya bwakomeje gukomeza umubano wabwo na Palestine na Israel.
“Dufite umubano umaze igihe kinini w’amateka n’Abanyapalestine, dukomeje umubano wacu … ariko muri icyo gihe, dufitanye kandi umubano na leta ya Israel, dufitanye kandi byinshi duhuriyeho,” uyu ni Peskov wongeraho ko Abarusiya benshi atavuze umubare baba muri Isreal.
Ku wa Gatandatu, Israel yatunguwe n’igitero simusiga cy’abarwanyi ba Hamas, kuva icyo gihe cyavuyemo imirwano ikaze ubu imaze guhitana abantu barenga 1.600.
Ku wa Mbere, Israel yagabye igitero simusiga ku karere ka Gaza, ihagarika ibiribwa, amazi n’amashanyarazi byagaburiraga Gaza, kandi bitera ubwoba bw’ikibazo cy’ubutabazi budashoboka muri iki gice.
