Kubaka ubwiganze bushya mu nteko ishinga amategeko kw’uruhande rwa Perezida Felix Tshisekedi kuri gukurikirwa n’ibirego bya ruswa rushinjwa n’abanyapolitiki begereye uwahoze ari Perezida Joseph Kabila, gukomeje kuvugwaho ibintu bitandukanye muri politiki ya Repubulika iharanira Demokarasi ya Congo.
Mu itangazo ryashyizwe ahagaragara kuri uyu wa Mbere, itariki 28 Ukuboza 2020 i Goma, Ishyaka ry’Abaturage riharanira Kwiyubaka na Demokarasi (PPRD), muri Kivu y’Amajyaruguru, naryo ryashinje uruhande rwa Perezida Félix Tshisekedi guha ruswa abadepite ryamagana “n’imbaraga nyinshi” ubwo buryo bukoreshwa mu kwiyegereza abadepite n’abasenateri hagamijwe kurema ubwiganze bushya bwegereye Perezida Tshisekedi.
Iri shyaka rya Joseph Kabila riravuga ko iki gikorwa kijyana igihugu kure yo kuba igihugu kigendera ku mategeko, Perezida wa gatanu wa Repubulika iharanira Demokarasi ya Congo, Felix Tshisekedi yijeje nk’uko iyi nkuru dukesha 7SUR7.CD ivuga.
“Tubabajwe na ruswa ikoreshwa nk’uburyo bwo kwigarurira abadepite n’abasenateri kugira ngo babone ubwiganze bushya mu nteko ishinga amategeko, ikibabaje ni uko mu nteko ishinga amategeko iriho, iyi mikorere ibujijwe n’amategeko ya Repubulika. Twamaganye n’ingufu za nyuma zose, ibikorwa bya ruswa bikorwa n’uruhande rwa Perezida wa Repubulika ku badepite n’abasenateri. Ikintu cyahinduye umutimanama wa bamwe muri bo no kwegeza igihugu cyacu kure yo kugendera ku mategeko,” ibi ni ibyatangajwe na PPRD muri Kivu y’Amajyaruguru mu itangazo ryasomwe na Ézechias Muhaya, Umunyamabanga Nshingwabikorwa waryo muri iyi Ntara.
