Cristiano Ronaldo na Lionel Messi ni abakinnyi bamaze igihe barafashe igice kinini cyane mu mupira w’amaguru. Ibi bigaragazwa n’ibyo bakora mu marushanwa atandukanye, mu makipe bakinamo muri shampiyona n’iz’ibihugu bakomokamo.
Mu marushanwa akomeye i Burayi(UEFA Champions League na Europa League), aba bakinnyi bageze kuri byinshi ariko si byose. Hari abandi bakinnyi bagiye bakora amateka mu bihe byashize ku buryo aba bagabo batarayavanaho ngo bashyireho ayabo.
Birashoboka cyane ko mu gihe kiri imbere bazatangira kuvanaho n’uduhigo dusigaye twaciwe n’abandi kuko imbaraga n’icyizere barabifite.
Dore utwo duhigo:
Alfredo Di Stefano na Ferenc Puskas ( Real Madrid) ni bo batsinze ibitego byinshi mu mikino ya nyuma ya UCL ( UEFA Champions League finals). Batsinze ibitego 7.
Alfredo Di Stefano ni we watsinze ibitego mu mikino ya nyuma myinshi ya UCL. Ibitego 5 ( 1956,1957,1958,1959,1960) muri Real Madrid.
Ferenc Puskas ni we watsinze ibitego byinshi ku mukino umwe rukumbi wa nyuma wa UCL. Yatsinze ibitego 4 ( Real Madrid, 1960.)
Clarence Seedorf ni we watwaye ibikombe byinshi bya UCL mu makipe menshi. Ibikombe 4( Ajax 1995, Real Madrid 1998, AC Milan 2003, 2007).
Zlatan Ibrahimovic ni we watsindiye amakipe menshi muri UCL. Amakipe 6 ( Ajax, Juventus, Inter Milan, Barcelona, AC Milan na Paris St Germain.)
Roy Makaay ni we watsinze igitego cyihuse muri UCL. Yagitsinze ku isegonda rya 10 ku mukino Bayern Munich yakinnye na Real Madrid, 2007).
Paulo Maldini ni we watsinze igitego cyihuse ku mukino wa nyuma wa UCL. Yagitsinze ku isegonda rya 53, AC Milan yahuye na Liverpool mu 2005.
Bafetimbi Gomis ni we watsinze ‘hat-trick’yihuse muri UCL.Yayitsine mu minota 8 ku mukino wa Dinamo Zagreb na Olympique Lyonnais 2011.
Radamel Falcao ni we watsinze ibitego byinshi mu mwaka umwe w’irushanwa rya UEFA. Yatsinze ibitego 18, Porto 2010/2011.
Kanda kuri SUBSCRIBE ujye ubona ibiganiro n’indirimbo bishya
Tuyizere Jean de Dieu/bwiza.com
