Mu ngengo y’imari ya 2024- 2025, biteganyijwe ko Urwego rw’uburezi ruziharira 14% yayo ni ukuvuga arenga Miliyari 500 z’amafaranga y’u Rwanda.
Bisobanuye ko uru rwego arirwo ruzatwara amafaranga menshi mu ngengo y’imari.
Minisiteri y’imari n’igenamigambi MINICOFINE ivuga ko uru rwego rwahawe iyi ngengo y’imari hagamijwe kongera ireme ry’uburezi buhabwa abanyeshuri mu Rwanda.
Kubaka amashuri mashya no kuyashyiramo ibikoresho byonyine bizatwara Miliyari 7.9 Z’amafaranga y’u Rwanda, kubaka amashuri y’imyuga n’ubumenyingiro (TVET) bizashorwamo ibijyanye no kubaka ibyumba by’amashuri bishya.
Bisobanuye ko aya mafaranga agize ingengo y’imari yo mu burezi arimo igice kinini kizajya kunganira gahunda yo gufatira Ifunguro ku mashuri igenewe abanyeshuri bo mu mashuri abanza ndetse na gahunda yo kongera umubare w’abarimu bafite ubushobozi.
Mu rwego rwo kongera ireme ry’uburezi , hari gahunda yo kugura ibikoresho by’ikoranabuhanga bizafasha abanyeshuri kuzamura urwego rw’ubumenyi by’umwihariko ibizwi nka Artificial Intelligence.
