Kuri uyu wa Kabiri, itariki ya 22 Kamena, umucamanza w’iperereza w’urukiko rwa Nouakchott, umurwa mukuru wa Mauritania, wumvise uwahoze ari perezida wa Mauritania, Mohamed Ould Abdelaziz, yahisemo kumufunga.
Hafashwe ingamba zikomeye z’umutekano zari zakajijwe mu nkengero z’urukiko mu gihe cy’iburanisha ry’uwahoze ari umukuru w’igihugu, hamwe no gutangaza icyemezo cyo kumusubiza muri gereza.
Ould Abdelaziz azashyirwa mu nzu bwite mu byumweru bibiri, kubera ingamba z’ubuzima zifitanye isano n’icyorezo cya Covid-19 mbere yo gushyirwa muri gereza nk’uko iyi nkuru dukesha RFI ikomeza ivuga.
Uwahoze ari perezida wa Mauritania yavuye ku butegetsi hagati mu mwaka wa 2019, ariko komisiyo ishinzwe iperereza mu nteko ishinga amategeko izamura amakenga ku ruhare yagize mu bikorwa bivugwa ko ari ruswa, kunyereza amafaranga, kwigwizaho imitungo mu buryo butemewe n’amategeko ndetse no gusesagura umutungo wa rubanda.
Ould Abdelaziz azashyirwa mu nzu bwite mu byumweru bibiri, kubera ingamba z’ubuzima zifitanye isano n’icyorezo cya Covid-19 mbere yo gushyirwa muri gereza.
Kurikira ibiganiro n’amavidewo binyura kuri Bwiza TV
