Kuri iyi Isi hari ibintu byinshi by’agaciro abantu bakenera umunsi ku munsi kandi bibatwara amafaranga, nk’amamodoka n’ibindi, ariko buriya hanze aha hari na za telephone zihenze ku buryo umuntu wese atapfa kubyiyumvisha ku buryo usanga zinagura amamiliyoni y’amadorari. Niyo mpamvu twifuje kubagezaho ubwoko 10 bwa telephone buhenze kurusha ubundi.
- Vertu Signature Diamond
Iyi telephone y’agaciro yakorewe mu ruganda rwa Vertu. Uru ruganda rukaba ruzwiho gukora telephone zijyanye n’igihe ariko zihenze zirimo n’iyi ya Vertu Signature Diamond yateranyijwe n’amaboko y’abantu hatifashishijwe imashini, ikaba izengurutswe n’akabara ka diamante. Iri ku gaciro k’Amadolari 88,000.
- iPhone Princess Plus
iPhone Princess Plus imikorere yayo ntitandukanye cyane n’izindi telephone za Apple iPhone usibye amazahabu na za diamants biyitatse. Yakozwe n’umuhanga wo mu gihugu cya Autrichia witwa Peter Aloisson, ikaba ifite agaciro k’Amadolari 176,400.
- BlackDiamond VIPN Smartphone
Ku mwanya wa munani haza telephone yo mu bwoko bwa Black Diamond yakozwe n’uruganda rwa Sony Ericsson ifite ikoranabuhanga rya LED Technology ndetse nayo itatseho diamants imbere ku mabuto yayo n’inyuma. Iyi ihagaze Amadolari 300,000.
7. Vertu Signature Cobra
Iyi telephone nayo yakozwe n’uruganda rwa Vertu iri muri telephone zihenze cyane ku isi, ikaba yarakozwe n’Umufaransa, Boucheron. Iyi nayo itatse za diamants ikaba ifite agaciro k’Amadolari 310,000.
6. Gresso Luxor Las Vegas Jackpot
Iyi telephone yakorewe mu Busuwisi mu 2005, yo itatse zahabu ipima amagarama 180 igifuniko cyayo cyangwa cover yayo y’inyuma ikaba ikoze mu giti cyo muri Afurika kimaze imyaka isaga 200. Urubaho rw’iki giti nirwo rubaho rwa mbere ngo ruhenda ku isi. Iyi ikaba ihagaze agaciro ka 1,000,000 yose y’Amadolari.
[xyz-ihs snippet=”google-pub”]
- Diamond Crypto Smartphone
Yakozwe hagendewe kuri Windows CE, ikorwa na none n’Umunya-Autrichia, Peter Aloisson. Iyi nayo ifite cover iriho utubuye twa diamant tugera kuri 50 harimo 10 ya diamant y’ubururu idapfa kuboneka. Usibye ibi, inatatseho za zahabu kandi ikaba inafite ubushobozi bwo kurinda nyirayo gushimutwa no guterwa ubwoba (blackmail) hakoreshejwe ikoranabuhanga. Iyi yo ifite agaciro ka 1,300,000 y’Amadolari.
- Goldvish Le Million
Goldvish yakozwe n’icyamamare mu bijyanye na design, Emmanuel Gueit wakoze designs z’amasaha menshi y’agaciro n’imitako. Iyi telephone yahawe igihembo cya Guiness World Records nka telephone ya mbere ihenze ku isi yaje kugurwa n’umuherwe mu imurikagurisha ryabereye I cannes mu Bufaransa muri Nzeri 2006. Iyi telephone ihagaze agaciro ka 1,300,000 y’amadolari, nayo itatseho zahabu y’umweru na diamant.
- iPhone 3G King’s Button
Ku mwanya wa gatatu ku rutonde rwa telephone zihenze haza iPhone 3G King’s Button igura miliyoni 2,4 z’Amadolari. Iyi nayo itatseho diamant z’umweru zituma irushaho kugira agaciro n’ubwiza.
2 . Supreme Goldstriker iPhone 3G 32 GB
Telephone ya kabiri ihenze kurusha izindi ni Supreme Goldstriker iPhone 3G ihagaze 3,200,000 z’Amadolari. Itatseho amagarama 271 ya zahabu ndetse screen yayo izengurutswe na diamant kimwe na buton ukanda winjira muri telephone.
- Diamond Rose iPhone 4 32GB
Telephone ya mbere rero ihenze kurusha izindi zose kugeza ubu ni Diamond Rose iPhone 4 yakozwe na Stuart Hughes ikaba igura akayabo ka 8,000,000 z’Amadolari. Iyi itatseho diamant y’ibara rya Rose y’imbonekarimwe imbere n’inyuma.
Muri rusange witegereje, usanga usibye ubushobozi bw’izi telephone, zaragiye zinongererwa agaciro n’amabuye y’agaciro kandi ahenze abazikoze bagiye bazitakaho. Gusa nta n’uwabura kuvuga ko izi ari telephone zigura umugabo zigasiba undi.
Source: wonderslist.com
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
