Xabi Alonso w’imyaka 36 y’amavuko, ukomoka mu gihugu cya Espagne, arashinjwa kunyereza imisoro bityo bikaba bishobora kumuviramo gufungwa imyaka irenga itanu.
Umushinjacyaha mu mujyi wa Madrid, yasabiye Alonso igifungo cy’imyaka itanu ndetse n’amande ya miliyoni enye z’amayero. Avuga ko uyu mugabo yanyereje imisoro mu gihe cy’imyaka itatu 2010, 2011 na 2012 ubwo yakiniraga Real Madrid yo muri Espagne.
Nk’uko Goal ibitangaza ngo kuva urubanza rwatangira, Xabi Alonso ntiyigeze yemera icyaha ashinjwa.
Alonso yakiniye amakipe nka Liverpool, Real Madrid, Bayern,…akina mu kibuga hagati, ashinjwa kunyereza imisoro ya miliyoni ebyiri z’amayero. Umwaka ushize nibwo yasezeye mu kibuga afite imyaka 35.
Kanda kuri SUBSCRIBE ujye ubona ibiganiro n’indirimbo bishya
