Uko isi ikataza mu iterambere ni ko n’uruganda rwa filimi rukomeje gutera imbere mu myidagaduro. Umuntu ukina filimi yatungwa na zo, akanabarwa muri bamwe mu baherwe hano ku isi.
Muri uyu mwaka wa 2019, hasohotse urutonde rwa filimi zimaze kwinjiza amadolari asaga miliyari. Wowe ukunda kureba filimi, ndakwizeza ko inyinshi uraba warazirebye harimo ‘AVATAR’ iri ku mwanya wa mbere.
Tudatinze, ubu twatangira n’urutonde rwacu. Imyaka iri mu dukubo (…) isobanuye igihe buri filimi yasohokeye.
1.Avatar (2009)
Umwanditsi w’iyi filimi yinjije amafaranga asaga milyari 2.7 z’amadolari( $ 2,788,000,000) ni James Cameron.
2.Titanic(1997)
Iyi filimi na yo yanditswe na James Cameron. Imaze kwinjiza amadolari asaga miliyari 2.1 ($ 2,187,500,000). Titanic yinjije amadolari miliyari 1.8 mu mwaka yasohokeyemo(1997). Mu guha icyubahiro abaguye mu mpanuka y’ubwato bwa Titanic bwarohamye mu 1912,iyi filimi yasohowe bushya mu mashusho agezweho ya 3 D. Iki gihe yahise yinjiza amadolari miliyari 2.
3. Star Wars: The Force Awakens (2015)
Iyi ni filimi ya 7 mu ziswe Star Wars. Yinjije amadolari asaga amadolari miliyari 2.06($2,068,200,000).
4. Avenger: Infinity War (2018)
Ni filimi ya gatatu mu zitwa ‘Avengers), ikaba imaze kwinjiza $ 2,002,100,000. Iyi filimi yaciye agahigo ubwo yinjizaga ibihumbi 630 by’amadolari y’Amerika mu mpera z’icyumweru (Weekend) yasohokeyemo.
5.Jurrasic World (2015).
Muri uyu mwaka yashyiriwemo hanze, Jurrasic World ni yo filimi yinjize miliyari y’amadolari byihuse, ubwo yazigezagaho mu minsi 13 gusa. Ubu imaze kugeza kuri $ 1,670,400,000.
6. The Avengers (2012)
Iyi imaze kwinjiza $ 1,580,800,000.
7. Furious 7(2015)
Iyi ni yo filimi ya nyuma yagaragayemo Paul Walker. Imaze kwinjiza $1,516,000,000.
8. Avengers: Age of Ultron (2015)
Iyi imaze kwinjiza $1,405,400,000.
9. Black Panther (2018)
Iyi filimi yagejeje muri miliyari mu minsi 26 gusa igeze hanze. Imaze kwinjiza $1,346,900,000.
10. Harry Potter & Deathly Hallows II(2011).
Iyi na yo imaze kwinjiza $1,341,500,000.
11. Star Wars: The Last Jedi (2017)
Iyi yinjije miliyari y’amadolari mu byumweru bitatu gusa kuva isohotse. Imaze kugeza kuri $ 1,332,500,000 yinjije.
12. Jurassic World: Fallen Kingdom(2018)
Iyi ni filimi ya kabiri yiswe Jurassic World, yari imaze kugeza kuri miliyari nyuma y’ibyumweru bibiri igeze hanze. Imaze kwinjiza $1,309,500,000 muri rusange.
13.Frozen (2013)
Iyi filimi yinjije miliyari y’amadolari mu cyumweru yatwayemo ibihembo bibiri muri Oscars. Ubu imaze kugeza kuri $1,276,500,000.
14. Beaty and the Beast(2017)
Muri rusange, imaze kwinjiza $1,263,500,000. Iyi ni nay o filimi yinjije amafaranga menshi mu 2017.
15. Incredibles 2 (2018)
Iyi ni yo filimi y’ibitente yinjije vuba miliyari y’amadolari. Ubu imaze kugeza kuri $1,242,800,000.
16. The Fate of the Furious (2017)
Iyi ni filimi yakinwe na Dwayne Johnson uzi nka The Rock, umwe mu bakinnyi binjiza amafaranga menshi mu ruhando rwa filimi. Muri Mata, 2017 ni bwo iyi filimi yagejeje kuri miliyari y’amadolari. Ubu imaze kugeza kuri $1,235,800,000.
17. Iron Man 3(2013).
Iyi filimi ya Tony Stark byayitwaye iminsi 23 kugira ngo ibe yinjije miliyari y’amadolari. Imaze kugeza kuri $1,214,800,000.
18. Minions (2015)
Iyi na yo ni filimi y’ibitente imaze kwinjiza $1,159,400,000.
19. Captain America: Civil War(2016)
Ni yo filimi ya mbere yinjije miliyari y’amadolari mu 2016. Ubu ngubu, Captain America imaze kwinjiza $1,153,300,000.
20. Aquaman (2018)
Kugeza ubu ngubu, Aquaman imaze kwinjiza miliyari z’amadolari 1.1($1,147,100,000).
