Nyuma yaho komisiyo Ishinzwe Gutegura Amatora mu Burundi (CENI) ishyiriye hanze ibyavuye mu matora ya kamarampaka by’agateganyo, bamwe mu banyapolitiki bavuga ko aya matora atakozwe mu mucyo, n’ibyayavuyemo bakaba batabyemera.
Mu kiganiro umuyobozi wungirije w’ishyaka Amizero y’Abarundi, Evariste Ngayimmpenda yagiranye n’abanyamakuru ku wa 21 Gicurasi 2018, yahamije ko ibyavuye mu matora birimo amakosa menshi, bakaba bagiye kwitabaza ubutabera.
Ati “Igikorwa cy’amatora cagenze nabi, hari abagiye bahohoterwa abandi barafungwa. Hari indorerezi zabujijwe kugera aho amatora yaberaga, hari n’abandi basohowe igihe cyo kubara amajwi kigeze,…”.
Uko abaturage bagiye batora YEGO na OYA mu ntara zose
Bubanza : Ego : 80,74% , Oya : 12,51%
Bujumbura : Ego : 75,75% , Oya:17,43
Bururi : Ego:52, 13% , Oya : 33,21%
Cankuzo : Ego :70,23, Oya : 20,28
Cibitoke : Ego :80,16, Oya : 13,85
Gitega :Ego :71,37, Oya :21,94
Karusi : Ego : 83,56%, Oya : 9,57%
Kayanza : 81,86, Oya :11,80
Kirundo :Ego : 83,01% , Oya : 11,20 %
Mairie : Ego : 53,10 % , Oya : 44,01%
Makamba : Ego : 66,03%, Oya:25,08%
Muramvya :Ego : 77,91% , Oya : 15,36%
Muyinga :Ego :81,55, Oya :10,92%
Mwaro :Ego : 61,72% , Oya : 27,80%
Ngozi : Ego:82,68%, Oya : 10,89%
Rumonge :Ego : 69,01% , Oya : 22,05%
Rutana :Ego :62,13%, Oya :22,36%
Ruyigi :Ego:73,38%,Oya :17,04%
Pierre Claver NDAYICARIYE uyoboye komisiyo ishinzwe amatora, atangaza ko abatoye YEGO kugeza ubu ari 73,18% naho abatoye OYA ngo itegeko Nshinga ntirihindurwe ni 19,6 %.
Aya matora yabaye ku wa 17 Gicurasi 2018, mu gihe Itegeko Nshinga ryaba ryahinduwe, Perezida Nkurunziza azaba afite amahirwe yo kongera kwiyamamaza izindi manda kugera mu 2034.
