Perezida wa Leta Zunze Ubumwe za Amerika, Donald Trump na Perezida wa Koreya ya Ruguru, Kim Jong Un babonanye ku wa kabiri tariki 11 Kamena 2018, muri Singapore bemeranya kugirano umubano udasanzwe.
Perezida Trump yavuze ko umubonano yagiranye na mugenzi we wa Koreya ya Ruguru Kim Jong Un wabaye “mwiza mwiza cyane,” kandi avuga ko bagiranye “ubucuti bwiza”.
Inyuma y’iminota 40 babonanye ari babiri gusa hamwe n’ababasobanurira indimi, Trump na Kim, umwe wese yahise azana intumwa z’abayobozi bagendanye mu bindi biganiro byaguye.
Ku ruhande rwa Leta Zunze Ubumwe za Amerika hari umunyamabanga wa Leta, Mike Pompeo, John Bolton,John Kelly,…
Ni Inama ya mbere ihuje perezida wa Leta Zunze Ubumwe za Amerika n’uwa Koreya ya Ruguru, amaso mu yandi.
Trump yagize ati “Tugiye kugera ku kintu gikomeye kandi tugiye kuzagirana ubucuti bukomeye, si nkekeranya”.
Kim na we abicishike ku wamusobanuriraga, yagize ati “Ntibyari byoroshe kugera aha turi kandi ibyari intambamyi twarabinesheje none ubu turi aha uyu musi.”
Ibiro bya Perezidansi ya Amerika byatangaje ko Trump ashobora kuva i Singapore mu ijoro ryo kuri uyu wa kabiri tariki ya 12 Kamena 2018.
