Abashinzwe umutekano mu gihugu cya Zimbabwe n’abandi bantu bitwaje intwaro bataramenyekana barashinjwa gukubita no kwibasira abantu benshi mu rwego rwo gucecekesha abatavuga rumwe n’ubutegetsi nyuma y’amatora aherutse kuwa 30 Nyakanga yaranzwemo impaka.
Ibi ni ibyatangajwe n’ishyirahamwe mpuzamhanga riharanira uburenganzira bwa muntu, Human Rights Watch kuri uyu wa kabiri.
Itangazo ryashyizwe ahagaragara na Leta Zunze Ubumwe za Amerika n’Umuryango w’Ubumwe bw’u Burayi, E.U. rikaba ryamaganye ubwo bugizi bwa nabi bwongeye kwaduka.
Ibyatangajwe na Human Rights Watch bitandukanye n’ibyatangajwe na leta ya Zimbabwe, aho Perezida Mnangagwa yavuze ko ubugizi bwa nabi bushyigikiwe na leta bwagizwe umuziro nk’uko VOA dukesha iyi nkuru ivuga.
HRW ikaba ivuga ko yegeranyije ibimenyetso byerekana ukuntu ingabo za leta zakubise abaturage babasanze mu tubari mu murwa mukuru, Harare, ndetse n’ukuntu abantu 6 bambaye ibihisha amasura bakubise umusore ukuriye urubyiruko rutavuga rumwe n’ubutegetsi ndetse bakanyereza abagabo babiri.
Sibusiso Moyo, minisitiri w’ububanyi n’amahanga akaba na general wavuye mu gisirikare, yahakanye aya makuru ya HRW avuga ko abashinzwe umutekano bakora ubugizi bwa nabi.
Kuri uyu wa Kabiri, abantu 27 bari mu mashyirahamwe aharanira inyungu aharanira inyungu z’abaturage batawe muri yombi bashinjwa guteza imyivumbagatanyo mu murwa mukuru wa, Harare, baje kurekurwa babanje gutanga ingurane.
