Jean-Pierre Bemba Gombo wifuzaga guhatanira umwanya w’umukuru mu matora ateganyijwe mu mpera z’uyu mwaka nawe yakuwe mu isiganwa nk’uko urutonde rw’abakandida bemerewe rwashyizwe ahagaragara na CENI mu ijoro ryo kuri uyu wa gatanu rishyira kuri uyu wa gatandatu rubigaragaza.
Kandidatire y’umukandida, Bemba w’ishyaka MLC ikaba yateshejwe agaciro hatangwa impamvu ko ari uko yakatiwe na CPI umwaka w’igifungo agacibwa n’amande y’Amayero 30,000 kubera kwitambika abatangabuhamya cyangwa gushaka kubakoresha mu nyungu ze nk’uko byatangajwe na Jean-Pierre Kalamba, umuvugizi wa Komisiyo y’Amatora muri Repubulika iharanira Demokarasi ya Congo(Ceni).
Izindi kandidatire z’ingenzi zitakiriwe ni iya Samy Badibanga, wahoze ari Minisitiri w’Intebe ndetse n’iya Marie-Jose Ikofu kubera ikibazo cy’ubwenegihugu burenze bumwe.
Abandi bangiwe barimo Antoine Gizenga w’ishyaka PALU kubera imikono, iya Adolphe Muzitu ndetse n’iya Jean-Paul Moka uregwa ibirego bifitanye isano n’imisoro.
Muri rusange, CENI itangaza ko kandidatire z’abakandida batandatu bangiwe zitakiriwe kubera impamvu zitandukanye zirimo ikibazo cy’ubwenegihugu, kubura ibimenyetso by’ubwishyu bw’imisoro, amakimbirane mu ishyaka rye, no gukatirwa n’urukiko.
Nyuma yo guhitamo abemerewe kuzahatana muri aya matora ateganyijwe kuwa 23 Ukuboza CENI yashyize ahagaragara urutonde rw’abantu 19 bemerewe:
1.Kikuni Seth (Indépendant)
2.Kazadi Ngumbe Ngumbe (FPJ)
3.Ngoy Ilunga wa Nsenga Theodore
4.Maluta Joseph (Indépendant)
5.Tshiani Noel (Indépendant)
6.Mabaya Gizi Amine (ACC)
7.Kin-kiey Mulumba (Indépendant)
8.Matungulu Mbuyamu Freddy (SYENCO)
9.Tshisekedi Tshilombo Felix (UDPS/Tshisekedi)
10.Shekombe Alain Daniel (Indépendant)
11.Radjabo Sokorabo
12.Kamerhe Lwa kanyinginyi Vital (UNC)
13.Fayulu Madidi (Dynamique de l’Opposition)
14.Mpunga Mbomba Yves (FP)
15.Mokia Gabriel (MDCO)
16.Masheke Sylvain (Indépendant)
17.Ramazani Shadary Emmnauel (Indépendant)
18.Luntadila Diavena Charles
19.Mvemba Francis (Indépendant)
Abantu kandidatire zabo zateshejwe agaciro nk’uko iyi nkuru isoza ivuga bafite amasaha 48 yo kujuririra iki cyemezo cya CENI imbere y’Urukiko rushinzwe Kurinda Itegeko Nshinga.
