Umuraperi akaba n’utunganya umuziki, Tyaga arasaba Lil Wayne na Birdman ko bamwishyura asaga $ miliyoni 10 bataramuha kuva yabatunganyiriza alubumu ebyiri mu 2009
Imwe mu nshuti za hafi za Tyga yabwiye TMZ ko Lil Wayne na Birdman bamwemereye ko bazamwishyura mu mwaka wa 2016 ariko akaba yarategereje agaheba.
Mu kirego cye cyo mu 2009, Tyga yavugaga ko yatunganyije alubumu ebyiri ari zo ‘Careless World na Hotel California ariko ntiyishyurwe $ miliyoni imwe yemerewe.
Izi alubumu zaje gukundwa kuko zaje mu myanya 10 ya mbere kuri billboard chart 200.
Kuri ubu, Tyga arasaba asaga $ miliyoni 10 bitewe n’igihe gishize atarishyurwa.
Micheal Ray Stevenson uzwi nka Tyga yavukiye Campton muri Leta ya California mu mwaka 1990. Yagiye agirana amesezerano n’ibigo bitandukanye bitunganya umuziki birimo Cash Money, Young Money Entertainments na Republic Records.
