Ku Cyumweru tariki ya 9 Nzeri 2018, ubwo indege yakoraga impanuka itwaye abagenzi, 19 muri 22 bari bayirimo bahise bahasiga ubuzima.
Radiyo Ijwi rya Amerika itangaza ko iyo ndege yakoze impanuka ubwo yari ivuye ku kibuga cy’indege mpuzamahanga kiri mu murwa mukuru i Juba, ikaba yari yerekeje mu gace ka Yirol.
Umwe muri batatu babashije kurokoka iyi mpanuka, afite ubwenegihugu bw’Ubutaliyani, akaba ari umukozi w’umwe mu miryango ikorera muri iki gihugu itabogamiye kuri leta.
Impanuka yaherukaga muri iki gihugu, ngo ni iyabaye mu 2017, ubwo indege yahanukaga mu gace ka Wau, abagenzi bane bagakomereka. Mu mwaka wa 2015 nabwo abagenzi 36 barapfuye, ubwo indege yakozwe n’u Burusiya yahanukaga aribwo igihaguruka iva mu murwa mukuru i Juba.
