Ubuyobozi bw’Intara imwe mu Buhinde butangaza ko ifite umugambi wo gutangiza Minisiteri ishinzwe inka gusa.
Minisitiri wa Mbere w’Intara ya Madhya Pradesh, Shivraj Singh Chouhan yavuze ko ari uburyo bwo kuzirinda, uyu muminisitiri akaba ari uwo mu ishyaka rya BJP wafashe icyo cyemeza arusha amajwi uhagarariye irindi shyaka rya Congress batavuga rumwe .
Nk’uko BBC ibitangaza, ngo uyu muminisitiri yasohoye iri tangazo nyuma y’imisi mike umukuru w’ishyaka Congress muri iyo ntara, Bwana Kamal Nath yemeye gutanga aho kororera inka mu gihe ishyaka rye ryaba ryabonye intsinzi.
Ishyaka BJP rinenga uwiyamamaza ku ruhande rwa Congress ko bagaba amasambu inka zikabura inzuri zirishamo. Iyi ntara ngo ikaba ifite akanama gashinze gukemura ibibazo by’inka kazwi nka ‘Gau Samvardhan’.
Minisitiri Chouhan avuga ko ako kanama gakwiye kuvaho hakajyaho Minisiteri ishinzwe inka gusa. Akaba avuga ko aka kanama gafite ikibazo cy’amafaranga ariko mu gihe kaba kasimbuwe na Minisiteri ko yaboneka.
Inka zifatwa nk’abantu ku bemera idini rya Hinduisme ari naryo rifite abayoboke benshi mu gihugu. Kwica no kurya inka kirazira mu ntara nyishi z’iki gihugu.
