Umuyobozi wa MTN mobile money muri Uganda, Elsa Mussolini yatangaje ko yirukanwe muri Uganda kuwa Kabiri w’iki cyumweru ku bwo gushinjwa gutera inkunga Depite Robert Kyagulanyi uzwi nka Bobi Wine.
Inzego z’umutekano muri Uganda zishinja uyu Mutaliyanikazi gutera inkunga abakora akaduruvayo mu gihugu.
Umuvugizi wa Polisi ya Uganda, CP Fred Enanga yemeje aya makuru nk’uko Chimpreports dukesha iyi nkuru ibitangaza.
Iki kinyamakuru kivuga ko Mussolini abinyujije ku mbuga nkoranyambaga yavuze ko yazize gutera inkunga ibikorwa bya Bobi Wine byamaganiraga kure umusoro wa rimwe ku ijana mu bijyanye no guhererekanya amafaranga hakoreshejwe Mobile Money.
Ati “ Ikipe ya Y’ello, ndibwirukanwe…icyaha nyamukuru ngo nahaye Bobi Wine amafaranga mu gihe cy’ubukangurambaga bw’umusoro wa 1%.”
[penci_related_posts taxonomies=”undefined” title=”Izindi nkuru wasoma” background=”” border=”” thumbright=”no” number=”4″ style=”list” align=”none” displayby=”recent_posts” orderby=”random”]
Mussolini yirukanwe nyuma y’aho Umunyarwanda Tabura Bilenge n’Umufaransa, Olivier Prentout birukaniwe bashinjwe ibyaha bibangamiye umutekano w’igihugu.
