Abasivili batanu bamaze kwicwa mu gihe abandi benshi bakomerekeye mu mirwano ihuza guhera kuwa Mbere, itariki 21 Mutarama, ingabo za Congo, FARDC n’umutwe wa FDDH wakomotse kuri Nyatura, mu bice bya Luke no mu biturage bihakikije byo muri Teritwari ya Masisi. Muri ibi bice kandi haravugwa urujya n’uruza rw’abarwanyi benshi b’umutwe wa CNRD witandukanyije na FDLR n’ibikoresho byabo bivugwa ko ari byinshi.
Biravugwa ko kurasana kwangije ibintu byinshi birimo amazu n’amashuri yasenywe n’ibisasu bya bombe. Perezida w’ihuriro ry’urubyiruko ruharanira uburenganzira bw’abahinzi n’aborozi bo muri Masisi, avuga ko n’abaturage basahuwe ibyabo.
Uyu witwa Modeste Amini aravuga ko abaturage bakihishe mu bihuru batinye gusubira mu ngo bakaba basaba abayobozi ba Congo gusobanurira abaturage uko ibintu bimeze mu murenge wa Osso Banyungu no muri teritwari ya Masisi.
[penci_related_posts dis_pview=”no” dis_pdate=”no” title=”Izindi nkuru wasoma” background=”” border=”” thumbright=”no” number=”4″ style=”grid” align=”none” withids=”” displayby=”recent_posts” orderby=”rand”]
Uyu muyobozi w’iri huriro kandi ni nawe utangaza ko umubare munini w’abarwanyi bitwaje ibikoresho byinshi bbo mu mutwe wa CNRD, wiyomoye kuri FDLR na bamwe mu bo mu miryango yabo bagaragaye muri grooupement ya Bihiri na Bwabo muri uyu Murenge wa Osso Banyungu. Aba barwanyi bari aha ngo bakaba bateye impungenge abaturage nk’uko Modeste Amini abyemeza.
Ku ruhande rw’igisirikare cya leta, umuvugizi wa region ya 34 ya FARDC, Major Ndjike Kaiko yahumurije abaturage avuga ko ibikorwa byya gisirikare byo kurwanya imitwe yose yitwaje ibirwanisho biri gukorwa mu nguni nyinshi za Masisi. Intego ngo ikaba ari guhiga abagize iyi mitwe bose bagikorera muri iki gice.
