Kuri uyu wa mbere, Leta Zunze Ubumwe z’Amerika zafatiye banki yo mu Burusiya bufatanyije na Venezuela. Ni nyuma y’aho bigaragaye ko ifasha Perezida Maduro mu buryo bw’amafaranga.
Evrofinance Mosnarbank yashinzwe mu 2011, iravugwaho gufasha ishyirahamwe ry’amavuta ryitwa PDVSA ndetse no gushyigikira imigambi y’iterambere ihuriweho n’ibi bihugu byombi. Ngo iyi banki na none irashinjwa kugabanya uburemere bw’ibihano Venezuela ya Maduro yafatiwe. Aya ni amakuru dukesha Bloomberg.
Ibihugu bisaga 50 birimo na Leta za Amerika (USA) byemeza ko umwe mu batavuga rumwe na leta, Juan Guaido nk’umukuru w’igihugu cya Venezuela. Ariko ku Burusiya bwo si ko bimeze kuko umukuru w’igihugu, Vladimir Putin amaze igihe kinini ari inshuti ya Maduro uvugwa ko atemewe n’amategeko.
Muri Gashyantare, USA yahaye ibihano bamwe mu bashinzwe umutekano we bakomeye, kompanyi y’amavuta ye, inavuga ko igomba gutanga ubufasha ku baturage ba Venezuela binyuze ku mupaka wa Colombia mu gihe Maduro atabikozwaga.
