Ikigo cy’Igihugu gishinzwe Ingufu mu Rwanda (REG) kiratangaza ko imirimo yo kubaka urugomero rwa Nyabarongo ya II irimbanyije ndetse igeze ku kigero cya 75%, hakaba hari amatsinda akora ku manywa na ninjoro hagamijwe ko imirimo yarangira mu mpera za 2027.
Nirwuzura ruzatanga megawati 43.5 (43.5 MW), akaba ari rwo rugomero rwa mbere ruri mu bwoko bwa damu (Dam) u Rwanda ruzaba rugize. Amazi y’uru rugomero azakora k’uturere dutanu ari two; Kamonyi, Muhanga, Gakenke, Nyabihu na Ngororero.
Hitezwe ko amazi y’urwo rugomero azanafasha mu ngendo zo mu mazi mu guhuza Intara y’Amajyaruguru n’Umujyi wa Kigali, ahazakorerwa n’indi mishinga itandukanye y’ubukerarugendo n’ibindi bikorwa by’iterambere.
Amafoto:
