Ishyirahamwe ry’Umupira w’Amaguru mu Rwanda, FERWAFA, ryateguye irushanwa ry’amavubi atarengeje imyaka 17 . Byamaze kwemezwa ko rizitabirwa na Tanzania na Cameroun.
Nk’uko iri shyirahamwe ryabitangaje ribicishije ku rubuga rwaryo, iri rushanwa rigamije kumenyereza abakinnyi mu rwego rwo kwitegura amarushanwa mpuzamahanga yo mu bihe bizaza.
Tanzania na Cameroun bo bazitabira iri rushanwa mu myiteguro y’irushanwa ry’ Ishyirahamwe ry’Umupira w’Amaguru muri Afurika (CAF) ry’abatarengeje imyaka 17, rizabera i Dar es Salam kuva ku wa 14 kugeza ku wa 28 Mata, 2019.
FERWAFA iravuga ko kandi, umutoza w’amavubi -17, Yves Rwasamanzi yashyize hanze urutonde rw’agateganyo rw’abakinnyi 20 bazahagarira igihugu. Ibi yabitangaje ku wa kabiri, tariki 12 Werurwe 2019.
Muri iri rushanwa rizatangira ku wa 28 Werurwe, rikarangira ku wa 4 Mata, amavubi azatangira akina na Cameroun, ku munsi wa nyuma akine na Tanzania. Tanzania na Cameroun zizakina ku wa 2 Mata.
Iyi mikino yose uzabera kuri Sitade ya Kigali uherereye i Nyamirambo.
