Rubavu: RIB ifunze umucungamutungo wa SACCO/IMBONERA

Urwego rw’Igihugu Rushinzwe Ubugenzacyaha(RIB) ruremeza ko rufunze Nzitonda Olivier wari umucungamutungu wa SACCO/IMBONERA, nyuma yo gukekwaho kunyereza umutungo wayo.

SACCO/IMBONERA iri mu murenge wa Mudende, Akarere ka Rubavu, Intara y’Iburengerazuba. Nzitonda Olivier wayicungiraga umutungo akaba yatawe muri yombi ashinjwa kunyereza asaga miliyoni zisaga 23.

Umuvugizi wa RIB, Mbabazi Modeste, yemeje aya makuru avuga ko Nzitonda afunzwe n’uru rwego ashinjwa kunyereza 23,107,668 Frw, by’umwihariko ko yagiye ahimba Raporo hagamijwe guhisha umutungo wanyerejwe.