Umupolisi umwe n’abaturage batatu biciwe mu mirwano hagati y’abashinzwe umutekano n’abaturage bashinjwa uburobyi butemewe n’amategeko mu Kiyaga cya Victoria.
Iki kiyaga biravugwa ko kimwe n’ibindi byo mu karere byugarijwe no kubirobamo gukabije gukunze guteza umwiryane hagati y’abarobyi n’ubuyobozi.
Guverineri wa Mwanza, John Mongella, yabwiye ITV ko imirwano yadutse kuri uyu wa Mbere ushize, hagati y’abapolisi bashinzwe kurwanya uburobyi butemewe n’abarobyi.
Mongella yavuze ko habayeho kurasa hagapfa abaturage batatu, abaturage nabo bakarasa umupolisi wari ukuriye bagenzi be.
Ubuyobozi bwa Tanzania bukaba bwakajije amarondo mu kiyaga mu rwego rwo gukomeza gukumira uburobyi butemewe.
